Trenbide

Trenbide bat burdinbidearen azpiegitura nagusia da, trenak edo beste errail gaineko ibilgailuak eutsi eta gidatzen dituen bidea.

Gehienetan, zati hauez osatua dago:

• altzairuzko bi errail, hauen gainean dabiltza altzairuzko gurpilak
• zurezko edo hormigoizko trabesak, errailak zabalera berean eta paralelo mantentzen dituena
• balastoa, harri xehatuzko oinarria

Ezaugarriak

Trenbideak sailkatzeko ezaugarri nagusiak hauek dira:

• erabilitako errail mota: pisua, luzera, ebaketa
• errailak trabesetara finkatzeko modua
• errailak luzeran finkatzeko modua: buloiekin edo soldatuak
• errailen zabalera eta perdoi muga
• trabesa mota eta hauen maiztasuna
• luzerako trazadura: kurben erradioa eta goratzea
• zeharkako trazadura: malda
• oinarria: balastoa edo hormigoia
• onartutako zama metroko
• trenen abiadura

Zabalera

Trenbidearen zabalera herrialdearen eta burdinbide sarearen araberakoa da. Hamar dira bide estandarrak:

• 600 mm - Txilen erabilia (antzinako Ferrocarril Militar de Puente Alto hasta El Volcán, Cajón del Maipo).
• 762 mm - Austria, Bosnia Herzegovina, Eslovakia, India, Polonia, Txekiar Errepublika, Errumania eta Sri Lankan erabilia.
• 914 mm - AEB, El Salvador, Guatemala, Kanada (Whitepass and Yukon Railroad), Kolonbia eta Perun erabilia.
• 1.000 mm (zabalera metrikoa edo zabalera estua) - Afrika Ekialdea, Alemania, Argentina, Asia hego-ekialdea, Bangladesh, Birmania, Bolivia, Brasil, Espainia, Grezia, India, Irak, Pakistan, Portugal, Suitza, Txile eta Vietnamen erabilia
• 1.067 mm - Australia, Ekuador, Costa Rica, Ghana, Hegoafrika,Indonesia, Japonia, Nigeria, Sudan, Ternua (1988 arte, Newfoundland Railway), Txile eta Zeelanda Berrian erabilia.
• 1.435 mm (zabalera estandarra edo nazioarteko zabalera) - Afrika iparraldea, Alaska, Argentina, Australia, Kanada, Kolonbia, Ipar Korea, Hego Korea, AEB, Europa gehiengoa, Iran, Irak, Israel, Japonia (Shinkansen), Mexiko, Paraguai, Peru, Txile, Txina, Uruguai eta Venezuelan erabilia.
• 1.520 mm - Mongolia, Errusia eta SESB ohiko estatuetan erabilia.
• 1.524 mm - Panama (2000 baino lehen, orain1.435 mm) eta Finlandian erabilia
• 1.600 mm - Australia, Brasil eta Irlandan erabilia.
• 1.668 mm (zabalera iberikoa) - Espainia (AVE izan ezik, 1.435 mm darabilena) eta Portugalen erabilia.
• 1.676 mm - Argentina, Bangladesh, India, Pakistan eta Sri Lankan erabilia.

Ikus, gainera

• AHT
• Burdinbide
• Nasa

Kanpo estekak

• Datuak: Q160342
• Multimedia: Rail tracks / Q160342