Sitofilia

Sitofilia edo food play (janari-jolasa ingelesez) erotismoa eta janaria nahasten duen fetitxismo sexualari deritzo.^[1]

Praktika

Sitofiliaren praktikak sexua egitera edo ez eraman dezake. Terminoa afrodisiakoak diren jakiak hartzearen praktikari lotuta dago, hala nola, txokolate edo esne-gain harrotua, bikote sexualen gainean isurtzen dena plazer sexuala lortzeko. Praktikak ere helburu dekoratzaileak izan ditzake, genitaleetan platerrak zerbitzatzea adibidez.

Terminoak forma falikoak dituzten elikagaiekin masturbatzea ere barneratzen du (adibidez: arto-buruak, luzokerrak, kuiatxoak, bananak edo prozesatutako elikagaiak, saltxitxak bezala) penetrazio baginala zein anala ordezkatzeko.^[2] Era berean, zulo bat egin dakioke hainbat elikagaiei (kuiak edo angurriak) bagina edo uzki forma emateko.

Erreferentzia kulturalak

1986ko 9 Aste eta Erdi pelikulan, eszena batzuetan marrubiak erabiltzen dira sitofilia praktikara eramanez.
Tampopo pelikula japoniarrean bikote batek, yakuzaren kide den gizon bat eta bere maitalea, elikagaiak erabiltzen dituzte haien praktika sexualetan.

Erreferentziak

↑ Brenda., Love,. (1992). The encyclopedia of unusual sex practices. Barricade Books ISBN 1569800111. PMC 25873312..
↑ Everything you know about sex is wrong : the disinformation guide to the extremes of human sexuality (and everything in between). Disinformation 2005 ISBN 1932857176. PMC 61441489..