Saqqarako txoria

Saqqarako txoria, baita ere Saqqarako planeatzailea bezala ezagututa, basapiku zuhaitzaren egurrez egindako objektua da. 1891an Pa-di-Imenen hilobian aurkitua izan zen, Sakkarako nekropoli egipziarrean. Objetkuak hegazkin baten antza erakuste du eta, ondorioz, batzuek hegazkin motor gabeko baten miniatura dela esan dute.^[1] Aurkitzaieleek gurtza-objektuaz jo zuten. K. a. 200 urtekoa da, Ptolomeotar dinastian. Gaur egun Kairoko Egiptoar Museoan erakusten da.

Deskribapena

Objetktu txikia da, 15 zm.koa, 18,30 zm.ko hego luzera eta 39 gramu pisatzen du. Hasieran zapelatz baten antzera margotua izan zen.

Esanahia

Ez dakigu ze helburuarekin egin zuten Saqqarako txoria; objektuari buruzko dokumentazioa ez dago eta zabaldu diren interpretazio guztiak hipotesiak dira.

Agian ideia zabalduena gurtze-objektu bezala aztertzen duena izan daiteke. Hegaztien irudian Antzinako Egiptoan jainko desberdinekin lotzen zen, batez ere Horusekin.
Beste espezialisten arabera goi mailako haur baten jostailua izan zitekeen.
Haize orratza.
Ehizarako erabiltzen zen boomeranga, bereziki ur-hegaztiak harrapatzeko.
parapsikologo batzuek hegazkin motor gabeko aparatua ikusi dute objektu horretan. Horren arabera oopart (out of place artifact) edo garaitik kanpoko objektu bat izan daiteke ere bai.

Antzeko irudiak

Egipton antzeko objetuen marrazkiak aurkitu izan dira, haize orratzenak, alegia. Adibidez, Karnakeko Khonsu tenpluan, Egiptoko Inperio Berriaren marrazkietan Opet jaialdietan erabiltzen ziren itsasontziak agertzen dira eta haien hiruren mastetan antzeko hegaztiak ikus daitezke: bat Ramses III.aren itsasontzian, beste bat Herihorren erregealdiko itsasontzi batean eta, azkena, Meri-Amonen itsasontzian.^[1]