Pasteurella

Pasteurella
Irudi gehiago
Sailkapen zientifikoa
Erreinua	Pseudomonadati
Filuma	Pseudomonadota
Klasea	Gammaproteobacteria
Ordena	Pasteurellales
Familia	Pasteurellaceae
Generoa	Pasteurella [[|]]
Datu orokorrak
Gaixotasuna	pasteurellosis (en)
Gram tindaketa	bakterio gram-negatibo

Pasteurella generoa bakterio Gram negatiboz osatua dago, kokobazilo itxurakoak (espezie batzuk pleomorfikoak izan arren, hots, itxuraz aldatzen dute) eta anaerobio fakultatiboak. Katalasa eta oxidasa (+), ez dira mugikorrak eta ez dute esporarik sortzen. Glukosa eta sakarosa hartzitzen dituzte.

Genero honen izena Louis Pasteur mikrobiologo handiaren omenez jarri zen. Pasteurrek hegaztien kolera genero horren bakterio batek (Pasteurella multocidak) eragiten zuela aurkitu zuen ^[1]

Pasteurella animalia askoren mikrobiotaren partaide ez-kaltegarria da ^[2]. Batzuetan infekzioak sor ditzake animaliengan, eta baita gizakiarengan ere. Animaliekin harreman estuak dituzten gizakiak (baserritarrak, albaitariak...) dira Pasteurellaren zoonosiak harrapatzeko aukera gehien dituztenak, batez ere animalia baten hozka jasoz gero.

Patogenia

Giza-patogenoa denean Pasteurellak hantura eta mina sortzen du bere sarrera puntuan (animaliak hozka edo atzaparkada egin duen gorputzeko tokian). Gutxitan septizemia edo biriketako infekzioa eragin dezake. Pasteurella multocida da giza-patogeno ohikoena.

Hegaztiengan eta untxiengan infekzio larriak sor ditzake Pasteurellak.

Mikrobio oso sentikorra da penizilinarekiko, eta hau da lehentasunezko antibiotikoa berari aurre egiteko.

Laborategian hazteko odol-agarra, agar txokolatea eta bihotz-garun infusioaren agarra (BHI) hazkuntza-inguruneak erabiltzen dira.

Erreferentziak

Kanpo estekak

• Datuak: Q2477372
• Multimedia: Pasteurella / Q2477372
• Espezieak: Pasteurella