Palestinako Estatuaren nazioarteko aintzatespena

Palestinako Estatuaren nazioarteko aintzatespena Palestinaren Askapenerako Erakundearen helburua da, Palestinako Aginte Nazionalak Algiersen 1988ko azaroaren 15eean Palestinaren Independentzia Aldarrikapenaren bidez Palestinako Estatua aldarrikatu zuenetik. Oraingoz, munduko 193 estatu burujabeetatik 143k aintzatetsi dute Palestinako Estatua.

PALESTINE AND TRANSJORDAN UNDER BRITISH MANDATE

Testuingurua

1992an, Yasser Arafat Palestina Askatzeko Erakundeko buruak eta Yitzhak Rabin Israelgo lehen ministroak Osloko itunak sinatu zituzten. Haren arabera, bi estatu sortuko ziren, 1967ko mugetan oinarrituta: Gazan, Zisjordanian eta Jerusalem ekialdean ezarriko zen Palestinako Estatua; eta beste guztia, Israelgoa izango zen.^[1]

Egoera

Munduko 193 estatu burujabeetatik 143k aintzatetsi dute Palestinako Estatua. Israel eta Ameriketako Estatu Batuak agertu dira sutsuen aintzatespen horren aurka. Mendebaldeko Europan ere aurkako jarrera izan da nagusi; Suedia izan zen aintzatetsi zuen lehena, 2014ean.^[1] 2024ko maiatzean, Espainiako Erresumak aintzatetsiko zuela iragarri zuen, bai eta Norvegiak eta Irlandak ere; Frantziako Errepublikak, aldiz, ez du aintzatesteko asmorik.

Palestinarren iritzia

Palestinarren artean oso gutxik babesten dute bi estatu sortzeko akordioa. Izan ere, Osloko itunak Israelen esku uzten ditu Palestina historikoaren lurren % 75. Lur horietatik 800.000 palestinar kanporatu zituzten 1948ko Nakban.^[1]