Eskopeta
Eskopeta ehizan egiteko eta, erabiltzen den fusil arina da. XIII. mendean Italian agertu ziren lehenengo eskopetak (schioppi edo scoppio) burdinazko hodiak ziren, atzeko aldean zurezko euskarririk ere ez zutenak (XV. mendean ezarri zitzaien). XIX. mendean bolbora, kartutxoek eta tresnak berak aurrerapen handiak izan zituzten: kanoia motzagoa eta arinagoa egin zen, eta bi kainoi batera jartzea ere lortu zen; zehaztasun handiagoa izateko, lepoa edo estugunea ezarri zitzaion. 1880. urtean asmatua da errepikapeneko eskopeta, tiroak bata bestearen atzetik segidan botatzeko gai zena.
Tiro bakoitzean bala txiki bat edo perdigoi ugari jaurtitzeko erabiltzen da. Batez ere, txoriak ehizatzeko erabiltzen da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|
|---|
Datuak: Q486396
Multimedia: Shotguns / Q486396
