Boushra Yahya Almutawakel
| Boushra Yahya Almutawakel | |
|---|---|
  Irudi gehiago | |
| Bizitza | |
| Jaiotza | Sana, 1969 (54/55 urte) |
| Herrialdea |  Yemen |
| Jarduerak | |
| Jarduerak | argazkilaria |
| Jasotako sariak | ikusi
|
| boushraart.com | |
Boushra Yahya Almutawakel (Sana, Yemen, 1969) argazkilaria da.[1][2][3][4] Haren lana nazioarteak arabiarren eta musulmanen gainean duen pertzepzioan oinarritzen da, eta bereziki arreta jartzen du genero-gaien eta emakume arabiar eta musulmanen arroparen irudikapenaren pertzepzioan.[5][6][7]
Ibilbidea
Almutawakel Estatu Batuetan bizi zen irailaren 11ko atentatuen unean, han ari baitzen ikasten, eta horrek arabiarren eta musulmanen pertzepzio positiboan eta negatiboan jarrarazi zion arreta.[8] Nawal El Saadawi Egiptoko emakume idazlearen oharrean oinarrituz, honelaxe dio:
“hijaba edo nikaba daramaten emakumeak eta makillajea daramatenak berdinak dira, beren benetako nortasuna ezkutatzen dutelako”.
Saadawiren ideia argazkiaren bidez interpretatzen saiatu zen. Almutawakelen lanak, halaber, Yemengo emakumeek beren gorputzak estaltzeko izan dituzten baliabide historikoak eta egun dituztenak aztertu izan ditu.[5] Bere argazkien gaiaz ari dela, Almutawakelek hau dio:
“Ez ditut elikatu nahi Mendebaldeko hedabideetan ikusten diren estereotipo negatiboak, zapiaz estalitako emakumeei buruzkoak. Bereziki, ideia hau: beloa daramaten emakume asko, denak ez esateko, ahulak, zapalduak, ezjakinak eta atzeratuak dira”.[9][6]
Haren serieak beloa irudikatzen du bere forma guztietan, emakumeek arabiar munduan beloa nola eramaten duten erakusteko.[9] What if izeneko beste proiektu batek gizonezkoen jantzi tradizionalez jantzitako emakumeak irudikatzen ditu; Almutawakelek azaltzen duenez,
"gizonezkoen jantzi tradizionalak luzeak, zabalak, xumeak dira, eta askotan emakumeen burua estaltzen duten jantzien oso antzekoak. Mendebaldeko komunikabideek beti jartzen dute azpimarra emakumeen janzteko moduan, horregatik jarri nahi izan dut zalantzan ideia hori”.[7]
Disparition lanean, urratsez urrats erakusten du beloak nola kondenatzen dituen emakumeak iluntasunera eta ikusezintasunera.[10] Elkarrizketetan azaltzen du beloak eragotzi egiten duela ondo entzutea edo ondo ikustea, hura daramaten emakumeen zentzumenak mugatuz.[9] Fulla[11] panpina bat eskuetan zuen alabarekin eszenaratu zen.[12] 2010ean, France serie bat sortu zuen, belo integralaren eramateko debekuari buruzko legearekin lotuta.[9] Bere proiektuen bidez, beloa aldarrikapen feminista bihurtzen du.[8]
British Council, Care International eta Nazio Batuen Erakundeko argazkilari gisa lan egiten izan du, baita Yemenek Washington Hirian duen enbaxadarako ere, gai kulturalei buruzko aholkulari gisa, eta Yemengo Giza Eskubideen Ministeriorako, emakumearen gaiari buruz.[3]
Beloa jantzi ala ez aukeratzearen aldekoa da.[9]
Aintzatespenak
- 2018an, BBCko 100 emakumeetako bat izendatu zuten.[13]
Erreferentziak
- ↑ Boushra Almutawakel, Strata, 2008. School of Oriental and African Studies.
- ↑ Espinosa, Ángeles. (4 January 2012). «La revolución ha inspirado a artistas. A mí me bloquea» El País.
- ↑ a b The hijab / veil series. International Museum of Women.
- ↑ Cat's, Nico. (2016-08-26). Boushra Almutawakel - The Hijab Series. .
- ↑ a b Alviso-Marino, Anahi. (October 2010). «Boushra Almutawakel» Nafas Art Magazine.
- ↑ a b Denis, Daphnee. (29 November 2012). «Unveiling an Arab Woman’s Experience With a Headscarf» Slate.
- ↑ a b «Challenging the norm» The Economist 16 August 2012.
- ↑ a b Le voile islamique au-delà des clichés. 2013-02-15.
- ↑ a b c d e Cinquante nuances de voiles. 2013-01-08.
- ↑ FERRISI, Mariethé. "Disparition" par la photographe yéménite Bushra Almutawakel. .
- ↑ «Female photographers tell important stories in landmark exhibition» Washington Post 01-04-2016.
- ↑ Staff, The New Republic. (2014-06-23). «The Case of the Disappearing Woman» The New Republic ISSN 0028-6583..
- ↑ «BBC 100 Women 2018: Who is on the list?» BBC News 2018-11-19.
Ikus, gainera
- Zerrenda:Emakume argazkilariak
Kanpo estekak
| Autoritate kontrola |
|---|
Datuak: Q4950379
Multimedia: Boushra Almutawakel / Q4950379
